Хөл хөлрөхөөс урьдчилан сэргийлэх арга хэмжээ авч, хөлрөлт, үнэрний эсрэг сайн бүтээгдэхүүн хэрэглэж, гутлаа зөв сонгоцгооё.

Хөл хөлрөлтөөс сэргийлэх арга хэмжээ

• Ариун цэвэр сахих.

Хөлийг эхлээд үргэлж цэвэр байлгах хэрэгтэй. Зөвхөн хөлний хөлрөлт, мөөгөнцөр, тууралт, загатнаа, шивэрнээс болж маш олон хүн шаналж байдаг. Иймээс хөлрөлт намдааж, хөлийн бусад халдварт нян устгаж, үнэр үүсгэгчийг дарангуйлдаг зориулалтын саван хэрэглэх нь маш чухал.

• Хөлрөлтийн эсрэг тос хэрэглэх.

Alum дээр суурилсан хөлрөлт намдаах тос хэрэглэхийг зөвлөж байна. Alum нь үнэр үүсгэдэг нянгийн үржлийг дарах, нүх сүв агшаах, хөлс дарах үйлчилгээтэй. Ялангуяа хөлний ул нь дээд хэсгийнхээс гурав дахин их хөлөрдөг тул хөлийнхөө ул болон хурууны завсарт заавал хөлрөлт намдаах тос түрхээрэй.

• Зөв гутлаа сонгож, авсан гутлаа зөв арчилъя.

Та хөлдөө тохирохгүй эсвэл таарахгүй гутал өмсвөл хөл тань гутландаа тухгүй байж, амархан хөлрөх тул, яг тохирсон хэмжээтэй, маш эвтэйхэн гутал сонгохыг хичээгээрэй. Агаар сэлгэдэггүй, эсвэл зузаан, хатуу гутал нь бактери үржиж, үнэр нь улам ихээр үүсэх болно.

Гутлаа тайлж орхихдоо агааржуулалт сайтай байршилд тавих, зориулалтын чийг татагч хийж орхих, эсвэл нян устгагч цацлага цацаж байх хэрэгтэй.